హత్రాస్ సంఘటనపై ముస్లిం ఆలోచనాపరుల వేదిక (MTF) ప్రకటన
ముందు దెయ్యాలు అత్యాచారం చేశాయి. ఇప్పుడు వ్యవస్థ అత్యాచారం చేస్తున్నది. హత్రాస్ సంఘటనపై ముస్లిం ఆలోచనాపరుల వేదిక (MTF) ప్రకటన ఉత్తరప్రదేశ్ హత్రాస్ జిల్లా బూల్ గర్హీ గ్రామంలో దళిత అమ్మాయి మోనికా వాల్మీకి మీద జరిగిన హత్యాచారాన్ని. ముస్లిం ఆలోచనాపరుల వేదిక (MTF) తీవ్రంగా ఖండిస్తున్నది. ఆమెను చంపిన తీరు ఆమె చనిపోయాక నిందితుల్ని రక్షించడానికి ఉత్తర ప్రదేశ్ ప్రభుత్వం, హత్రాస్ జిల్లా అధికార యంత్రాంగం ఆడిన నాటకాలన్నీ సభ్యప్రపంచం సిగ్గుపడేలా వున్నాయి. కేంద్ర ప్రభుత్వం తరచుగా ప్రవచించే ‘బేటీ బచావో’ నినాదం నిజరూపాన్ని ఉత్తర ప్రదేశ్ ముఖ్యమంత్రి దేశానికి డిజిటల్ డిస్ప్లే చేస్తున్నారు. బూల్ గర్హీ గ్రామాన్ని డిటెన్షన్ సెంటర్ గా మార్చారు. బయటి ప్రపంచంతో సంబంధాలను పూర్తిగా తెంచేశారు. గ్రామం లోపల బాధితురాలి కుటుంబ సభ్యుల్ని వేధిస్తున్నారు; బెదిరిస్తున్నారు; కొడుతున్నారనే వార్తలు గుండెల్ని పిండేస్తున్నాయి. మోనికా వాల్మీకిని ముందు దెయ్యాలు అత్యాచారం చేశాయి. ఇప్పుడు వ్యవస్థ అత్యాచారం చేస్తున్నది. ఈ సంఘటనలో నిందితులతోపాటూ అధికారుల్ని సహితం నిర్భయ చట్టం ప్రకారం కఠినాతికఠినంగా శిక్ష